ZAJ NYEEM NIAJ HNUB. Tim 29 lub 7 hli 2022 (Daily reflection)

ZAJ NYEEM HNUB TIM 29 LUB 7 HLI, NCO TXOG LEEJ NTSHIAB MAS TAS
COV LUS NYOB HAUV ZAM NTAWV MOO ZOO (Z 11: 19-27)

Kwv tij Hmoob sawv daws, Huab Tais Yes Xus nyiam Las Ntxas Los thiab nws ob tug muam, tsis tas li xwb, lawv 3 nus muag no kuj nyiam Huab Tais Yes Xus kawg thiab, mas Huab Tais Yes Xus thiaj tsa Las Ntxas Los sawv rov los.
Cov kwv tij, Tswv Ntuj yog kev nyiam, tus neeg twg muaj kev nyiam mas nws yug ntawm Tswv Ntuj los thiab nws paub Tswv Ntuj. Li ntawd, thaum peb ua hauj lwm nyob hauv kev nyiam, mas yog peb tam tom ua hauj lwm nyob hauv Tswv Ntuj ntag. 
Hnub no Huab Tais Yes Xus ua kom cov thwj tim pom tias tus neeg twg nyiam nws, mas Huab Tais Yes Xus yuav tsa sawv rov los xws li tau tsa Las Ntxas Los.
Tus twg ntseeg txog Huab Tais Yes Xus mas tus ntawd yuav tsis tuag.
Li ntawd mas kwv tij Hmoob, niaj hnub mas peb yuav ntseeg xws li Mas Tas ntseeg thiab hais rau Huab Tais Yes Xus tias ‘Huab Tais, kuv ntseeg. Kuv ib txwm ntseeg hais tias koj yog Leej Pleev, yog Tswv Ntuj Leej Tub tuaj nyob hauv lub qab ntuj no.’
Nyob zoo sawv daws.
 

Add new comment

2 + 10 =