ZAJ NYEEM NIAJ HNUB. Tim 27 lub 9 hli 2022 (Daily reflection)

ZAJ NYEEM HNUB TIM 27 LUB 9 HLIS, NCO TXOG LEEJ NTSHIAB VIS XES NTES POS
COV LUS NYOB HAUV LUS KAS NTAWV MOO ZOO (LK 9: 51-56)

Kwv tij Hmoob sawv daws, lub Moo Zoo hnub no peb pom tias cov Xas Mas Lias tsis kam txais Huab Tais Yes Xus thiab cov thwj tim vim Huab Tais Yes Xus yuav dhau kev hauv lawv mus rau Yes Lus Xas Les. Zam thiab Yas Kos npau taws rau cov Xas Mas Lias tias ua cas zaum no cov Xas Mas Lias ho yuav tsis kam txais lawv, nkawd xav kom Ntuj tsawm cov Xas Mas Lias. Tab sis Huab Tais Yes Xus tsis pub kom muaj raws li nkawd hais, Huab Tais Yes Xus tsuas ua twj ywm xwb.
Cov kwv tij, muaj ntaus zaus peb ua zoo rau lwm tus tab sis zoo nkaus li lawv tsis pom txog peb cov txiaj ntsig, los yog thaum peb thov kev pab ntawm lawv, lawv tsis kam pab peb, mas peb txhob yws txhob chim rau lawv mog, peb yuav ua xws li Huab Tais Yes Xus, yog kav liam. Nyob zoo sawv daws.
 

Add new comment

5 + 6 =