Zaj nyeem niaj hnub tim 25 lub 1 hlis 2023 (Daily reflection)

ZAJ NYEEM HNUB TIM 25 LUB 1 HLIS 2023 HNUB UA HMOOV LEEJ NTSIAB PAJ LUG TIG LOS NTSEEG
COV LUS NYOB HAUV MAS KOS NTAWV MOO ZOO (MK 16: 15-18)

Kwv tij Hmoob, hnub no yog hnub lub Koom Txoos ua hmoov Leej Ntshiab Paj Lug tig los ntseeg vim tias Paj Lug yog tus qauv zoo qhia peb kom hloov siab tshiab tiag tiag. Thaum Paj Lug hloov siab tshiab mas yog nws tau hloov dua lub neej tshiab xws li thaum peb tau lub tsho tshiab, ces peb muab lub tsho qub khib khib liab hle pov tseg, khaws lub tsho tshiab los hnav.
Thaum Paj Lug hloov siab tshiab lawd, nws tso lub qub neej pov tseg, nws pom tias txhua yam nws muaj thiab nws saib yog yam tseem ceeb, mas ziag no tsuas yog ib yam qhias, yog qhov me tshaj plaws, qhov loj thiab tseem ceeb dua cov mas yog qhov tias hnub no nws tau paub Huab Tais Yes Xus.
Cov kwv tij, lub Moo Zoo hnub no Huab Tais Yes Xus hais tias ‘nej mus thoob qab ntuj, nej tshaj lub Moo Zoo rau txhua leej txhua tus. Tus twg ntseeg thiab txais lub Cim Ntxuav, mas Ntuj yuav cawm nws.’
Lo lus no yog lo lus Leej Ntshiab Paj Lug saib yog qhov tseem ceeb, nws khaws coj mus siv nyob hauv lub neej paub Huab Tais Yes Xus. Lo lus no thiaj yuav yog lo lus peb cov neeg ntseeg, cov ua Huab Tais Yes Xus thwj tim yuav tau khaws coj mus siv thiab ua raws yog tias peb xav hloov siab tshiab tiag tiag xws li Leej Ntshiab Paj Lug. Nyob zoo sawv daws.
 

Add new comment

2 + 1 =