ZAJ NYEEM NIAJ HNUB. Tim 16 lub 9 hli 2022 (Daily reflection)

ZAJ NYEEM HNUB TIM 16 LUB 9 HLIS, NCO TXOG LEEJ NTSHIAB KHOS NES LIS US THIAB LEEJ NTSHIAB NPLIAJ NUS
COV LUS NYOB HAUV LUS KAS NTAWV MOO ZOO (LK 8: 1-3)

Kwv tij Hmoob, nyob hauv Ntawv Moo Zoo peb tsuas pom piav txog Huab Tais Yes Xus thiab cov thwj tim uas yog pab txiv neej 12 leeg peb hais tias Hauv Paus Xa Lus ntau xwb, tiam sis lub Moo Zoo hnub no yog hais txog cov poj niam muaj lub siab ntseeg, lawv tau muab lawv lub cuab tam lost sob hwb Huab Tais Yes Xus thiab cov thwj tim.
Cov poj niam no mas lub Moo Zoo hnub no peb tsuas hnov hais txog 3 leeg xwb, yog Mab Liab Mas Ntas Las, Zag, thiab Xus Xas Nas. Tab sis yog peb saib hauv lwm phau ntawv Moo Zoo thiab hauv lwm ntu mas peb yuav pom tias muaj coob leej.
Peb yuav pom tias cov poj niam muaj lub siab ntseeg, lawv yog cov tsis tso Huab Tais Yes Xus pov tseg thaum nws raug ntes coj mus dai nyob saum tus Ntoo Cuam, lawv yog cov lawv qab mus txog tom lub qhov ntxa, thiab yog cov xub tau pom Huab Tais Yes Xus sawv rov los.
Hais tiag mas cov poj niam muaj lub siab ntseeg no, lawv yog cov tau txoj hmoov zoo dua cov thwj tim txiv neej; thiab lawv yog cov muaj lub siab ntseeg ruaj dua cov txiv neej.
Yog li mas kwv tij Hmoob sawv daws, nyob hauv peb cov ntseeg Ntuj peb thiaj yuav hwm cov poj niam, saib lawv muaj tsim, tsis hla lawv lub meej mom.
Peb yuav saib lawv muaj nqes xws li cov txiv neej, thiab tej zaug mas peb yuav tau mloog lawv tham txog lawv lub siab ntseeg thiab mog! Vim lawv txoj kev ntseeg yeej muaj zog dua peb cov txiv neej. Nyob zoo sawv daws.

 

Add new comment

1 + 0 =