ZAJ NYEEM NIAJ HNUB. Tim 15 lub 10 hli 2022 (Daily reflection)

ZAJ NYEEM HNUB TIM 15 LUB 10 HLI, HNUB NCO TXOG LEEJ NTSHIAB TES LES XAS NYOB AS VIS LAS
COV LUS NYOB HAUV LUS KAS NTAWV MOO ZOO (LK 12: 8-12)

Cov kwv tij Hmoob, lub Moo Zoo nej tau mloog hauv hnub no kuj yog Huab Tais Yes Xus tseem hais txog kev tshaj lub Moo Zoo, los yog tshaj Tswv Ntuj lub Ceeb Tsheej. Nyob hauv Koom Txoos lub keeb mas cov neeg ntseeg raug cov Yus Das thiab cov Los Mas hiam loj, lawv raug ntes raug tsim txom, raug tua tuag coob kawg nkaus.
Nyob hauv peb Hmoob lub teb chaws, peb pom tias thaum ua rog Koom Tshaj muaj cov neeg ntseeg coob hauj sim raug tseem hwv hiam, muaj cov Txiv Plig ntau leej raug tua tuag. Lawv cov neeg no mas lawv zoo siab tuag ua tim khawv, lawv yeem tuag zoo dua thim kev ntseeg. Lawv yog tus piv txwv zoo rau peb cov tom qab no, kom peb to taub Huab Tais Yes Xus lo lus hauv hnub no; “Leej twg lees tias nws paub kuv, mas Neeg Leej Tub kuj yuav lees tias nws paub tus ntawd. Leej twg tsis lees paub kuv, mas yuav tsis muaj tus lees paub nws nyob ntawm Tswv Ntuj tsoom Tshiab xub ntiag thiab.”
Nyob zoo sawv daws.