Zaj nyeem niaj hnub tim 14 lub 1 hlis 2023 (Daily reflection)

ZAJ NYEEM HNUB TIM 14 LUB 1 HLIS 2023, HNUB XYA LUB LIS PIAM 1 CAIJ NYOB NRUAB XYOO
COV LUS NYOB HAUV MAS KOS NTAWV MOO ZOO (MK 2: 13-17)

Cov kwv tij Hmoob, Huab Tais Yes Xus hais tias ‘kuv tsis tuaj hu cov neeg ncaj, kuv tuaj hu cov neeg txhaum.’ Yog li cov neeg txhaum yog leej twg?
Nyob rau cov His Xas Lais lub zim txwv ntawd, lawv hais tias tus neeg tsis coj raws Txoj Cai kom txhij, mas tus ntawd yog neeg txhaum; cov neeg ua neej nyob hauv txoj kev qias kev phem, lawv yog neeg txhaum. 
Yog peb muab xav, mas peb txhua tus yeej yog neeg txhaum tiag, yog li mas Huab Tais Yes Xus thiaj yog tus tuaj hu peb sawv daws. 
Huab Tais Yes Xus nyiam cov neeg txhaum, tab sis nws tsis nyiam txoj kev txhaum. Huab Tais Yes Xus hu cov neeg txhaum los nrhiav nws vim Huab Tais Yes Xus xav kom lawv hloov siab tshiab ua tus neeg tshiab, ua neeg ncaj.
Kwv tij, tus neeg twg yog nws qhuas tias nws zoo txhij, nws tsis muaj txhaum, mas yog nws ntsia tsis pom nws kev txhaum, ces nws tsis txawj tu siab rau nws kev txhaum. Tus neeg zoo li no mas nws yuav ceeb laj txais tau Huab Tais Yes Xus, ceeb laj qhib siab mloog Huab Tais Yes Xus lib suab hu.
Li ntawd mas kwv tij Hmoob, txhua hnub peb yuav thov Tswv Ntuj tshoj peb siab kom peb txawj ntsia pom peb kev txhaum, peb yuav tu siab thiab thov Huab Tais Yes Xus pab peb mog. Nyob zoo sawv daws.