ZAJ NYEEM NIAJ HNUB. Tim 12 lub 7 hli 2022 (Daily reflection)

ZAJ NYEEM HNUB TIM 12 LUB 7 HLI, HNUB OB LUB LIS PIAM 15 CAIJ NYOB NRUAB XYOO
COV LUS NYOB HAUV MAS TAIS NTAWV MOO ZOO (MT 11: 20-24)

Kwv tij Hmoob sawv daws, lub Moo Zoo hnub no nej yuav hnov tias yog Huab Tais Yes Xus cem cov nroog uas tau pom nws ua hwj huam tab sis lawv tsis hloov siab tshiab. Cov zos ntawd, lawv pom tias Huab Tais Yes Xus tau ua ntau yam hwj huam los hlub lawv cov neeg, los kho lawv cov neeg ntawm kev mob nkeeg thiab raug dab. Tsim nyog lawv yuav hloov siab tshiab los coj lub neej tshiab, tab sis lawv tseem ua zoo li qub, lawv tseem niaj hnub ua siab xib rau kev txhaum. 
Huab Tais Yes Xus thiaj cem lawv tias txog hnub txiav txim mas lawv yuav raug txim loj dua cov.
Kwv tij Hmoob sawv daws, nej twb tau pom Huab Tais Yes Xus lub hwj chim nyob hauv nej lub neej, tsuas yog nej xav tsis txog thiab tsis paub txog xwb, thiab nej twb niaj hnub hnov Huab Tais Yes Xus lub suab hu kom nej los nrhiav Huab Tais Yes Xus. Tsim nyog nej yuav hloov siab tshiab tso lub siab nyiam kev txhaum pov tseg, tig los coj lub neej ua xis Tswv Ntuj siab nyiam mog.
Txog hnub kawg, nej thiaj yuav tsis raug txim hnyav xws li cov neeg hauv cov zos ua lawv tsis kam hloov siab tshiab ntawd.
 

Add new comment

3 + 7 =