ZAJ NYEEM NIAJ HNUB. Tim 10 lub 10 hli 2022 (Daily reflection)

ZAJ NYEEM HNUB TIM 10 LUB 10 HLI, HNUB OB LUB LIS PIAM 28 CAIJ NYOB NRUAB XYOO
COV LUS NYOB HAUV LUS KAS NTAWV MOO ZOO (LK 11: 29-32)

Kwv tij Hmoob, thaum Huab Tais Yes Xus tshaj lub Moo Zoo mas cov neeg lawv kuj ua zoo li peb cov neeg tiam no, lawv xav pom Huab Tais Yes Xus ua hwj huam, xav pom tej lub cim tuaj saum ntuj tuaj, lawv tsis quav ntsej mloog cov lus tawm hauv Huab Tais Yes Xus lub ncauj los. Yog li hnub no peb thiaj hnov Huab Tais Yes Xus hais tias hnub txiav txim mas tiam neeg ntawd yuav raug txim.
Kwv tij Hmoob, Huab Tais Yes Xus tseem hais ntxiv tias nws txoj kev tuag thiab sawv rov los yuav yog ib lub cim qhia rau Huab Tais Yes Xus tiam neeg thiab yog qhia rau cov tiam neeg tom qab. Li ntawd mas kwv tij, niaj hnub no peb tsis txhob muab siab xib rau tej xwm, tej yam tshiab tshiab tawm tuaj hem tuaj dag peb, qhov peb yuav muab siab rau mas yog mloog Huab Tais Yes Xus cov lus qhia, lus ntuas nyob hauv Ntawv Ntshiab.
Vam tias nej sawv daws yuav niaj hnub soj peb Zoo Tswv Zov Yaj qab, mloog cov lus peb tuaj twm tuaj nthuav rau nej mlog, vam tias nej yuav kub siab nyeem Ntawv Ntshiab thiab mus koom lub txoos teev Ntuj nyob hauv nej lub zos mog.
Nyob zoo sawv daws.