ZAJ NYEEM NIAJ HNUB. Tim 1 lub 8 hli 2022 (Daily reflection)

ZAJ NYEEM HNUB TIM 1 LUB 8 HLI, HNUB OB LUB LIS PIAM 18 CAIJ NYOB NRUAB XYOO.
COV LUS NYOB HAUV MAS TAIS NTAWV MOO ZOO (MT 14: 13-21)

 
Kwv tij Hmoob, nyob hauv Ntawv Moo Zoo hnub no yog piav txog thaum Huab Tais Yes Xus ua kom 5 lub ncuav mov thiab 2 tug ntses txaus rau zeej tsoom sawv daws noj. 
5 lub ncuav mov thiab 2 tug ntses xwb yuav txaus rau 5,000 leej neeg noj tau li cas? Yog peb ua peb xwb mas yuav tsis tau tiag tiag, tab sis yog peb ua siab dav qee yam peb muaj rau Tswv Ntuj thiab tso siab rau Tswv Ntuj mas peb yuav pom Tswv Ntuj lub hwj huam xws li 5,000 leej neeg hauv zaj no.
Cov kwv tij Hmoob sawv daws, nej muab xav saib, yog nyob hauv nej lub zos, nej xav txhim tsa 1 lub tsev teev Ntuj. Nej ib leeg xwb mas nej ua puas tau? Nej puas muaj peev nyiaj txaus ua? Yeej tsis tau puas yog?
Yog peb sib pab, ib leeg qee ib npib ob npib ib choj ob choj thiab tso siab tias Tswv Ntuj yuav pab tshoj lwm tus lub siab kom pab peev nyiaj ntxiv peb li, pab kom peb txawj koom siab sib pab nqes tes ua, mas kawg yuav txhim tau lub tsev teev Ntuj xwb.
Li ntawd mas kwv tij Hmoob sawv daws, hnub no nej hnov zaj no lawm, vam tias nej yuav txawj koom siab, txhob ua neeg qia dub, nej yuav qee qhov nej muaj los koom ua ib pob pab rau tus tsis muaj mog.
Nyob zoo sawv daws.
 

 

Add new comment

5 + 0 =