ZAJ NYEEM NIAJ HNUB. Tim 1 lub 10 hli 2022 (Daily reflection)

ZAJ NYEEM HNUB TIM 1 LUB 10 HLIS, UA HMOOV LEEJ NTSHIAB TES LES XAS LIS XYAWS
COV LUS NYOB HAUV MAS TAIS NTAWV MOO ZOO (MT 18: 1-5)

Kwv tij Hmoob, nyob hauv cov Yus Das lub neej mas lawv saib cov me nyuam tsis muaj qab hau, ces thaum cov thwj tim sib cav tias leej twg yuav ua tus loj, mas Huab Tais Yes Xus thiaj hu ib tug me nyuam los, thiab ntuas lawv tias tus loj dua cov mas yog tus nyiam ua neeg me xws li tus me nyuam, yog nws tsis ua tus neeg muab hlob, tsis saib tus kheej tseem ceeb dua lwm tus. 
Leej Ntshiab Tes Les Xas Lis Xyaws yog tus piv txwv zoo txog Huab Tais Yes Xus lo lus no, vim tias nws coj lub neej raws lub Moo Zoo, tso siab rau Tswv Ntuj, nws tsis ua neeg muab hlob.
Li ntawd mas kwv tij Hmoob sawv daws, peb ua neej nyob mas peb yuav tsis txhob ua neeg muab hlob mog. Nyob zoo sawv daws.

Add new comment

7 + 3 =