Zaj nyeem hnub tim 7 lub 4 hlis 2023 (Daily reflection)

ZAJ NYEEM HNUB TIM 7 LUB 4 HLIS, HNUB RAU LUB LIS PIAM NTSHIAB
COV LUS NYOB HAUV ZAM NTAWV MOO ZOO (Z 18: 1- 19:42)

Kwv tij sawv daws, Ntawv Moo Zoo hnub no mas peb hais tias ‘Huab Tais Yes Xus txoj kev txom nyem’, yog cov xwm piav txij thaum Huab Tais Yes Xus raug ntes mus txog thaum Huab Tais Yes Xus tuag. Huab Tais Yes Xus hais tias hnub no yog nws lub caij, yog lub caij uas Huab Tais Yes Xus yuav hla hauv lub ntiaj teb no mus cuag Leej Txiv Tswv Ntuj, yog lub caij tsom txog Tswv Ntuj kev nyiam peb sawv daws, mas Leej Txiv Tswv Ntuj thiaj yeem cia Leej Tub nqes los txais lub txim tuag no kom peb sawv daws rov tau mus cuag nws.
Kwv tij Hmoob sawv daws, hnub no Huab Tais Yes Xus tuag txhiv peb hauv txoj kev txhaum lawm tiag, nws pub txoj sia tshiab rau peb lawm, mas peb yuav ntseeg thiab ua raws li Huab Tais Yes Xus cov lus mus li mog.
Nyob zoo sawv daws.