Zaj nyeem hnub tim 7 lub 2 hlis 2023 (Daily reflection)

ZAJ NYEEM HNUB TIM 7 LUB 2 HLIS, HNUB PEB LUB LIS PIAM 5 CAIJ NYOB NRUAB XYOO
COV LUS NYOB HAUV MAS KOS NTAWV MOO ZOO (MK 7: 1-13)

Cov kwv tij Hmoob, lub Moo Zoo hais tias thaum Huab Tais Yes Xus pom tias cov Fas Lis Xais thiab cov Kws Ntawv Ntshiab saib tsis taus nws cov thwj tim uas xuas tes tsis huv noj mov, tsis coj raws li tej laus kab ke, ces Huab Tais Yes Xus thiaj ntuas lawv kom ras tias lawv yog cov tuav txoj cai mas lawv tsis txhob muab txoj cai los yuam lwm tus, lawv tsum paub txog txoj cai los yog cov laus kab ke lub ntsiab, thiab ib qho tuaj mas lawv tsum paub hwm lwm tus thiab nyiam cov neeg txom nyem dua lawv.
Yog li Huab Tais Yes Xus thiaj hais tias ‘nej tso Tswv Ntuj lo lus qhia tseg, nej muab nej khi rau neeg tej kab ke; nej muab tej kab ke los rhuav Tswv Ntuj lo lus.’
Kwv tij Hmoob sawv daws, yog muab xav txog peb haiv neeg Hmoob, mas peb muaj tej kab ken tau. Peb cov kab ke ntawd, ib co kuj qhia kom peb sib hwm, sib nyiam sib hlub thiab sib pab; tab sis muaj ib co mas yog coj peb mus ua qhov nkhaus rau lwm tus xwb. Tsim nyog peb yuav muab coj los xav muab coj los kho kom peb tej kab ke haum rau Tswv Ntuj lo lus qhia mog. 
Nyob zoo sawv daws.