ZAJ NYEEM HNUB TIM 4 LUB 8 HLI 2020

LIS PIAM 18 CAIJ NRUAB XYOOS.
Qhia txog yam huv thiab tsis huv. (MT.15 : 1-2,10-14)

Ib co Fas Lis Xais thiab ib co Kws Ntawv Ntshiab nyob Yes Lus Xas Les tuaj cuag Yes Xus, lawv hais rau Yes Xus tias : "Vim li cas koj cov thwj tim hla cov yawg koob tej kab ke ? Vim thaum lawv noj mov, lawv tsis xub ntxuav tes ?"
Yes Xus hu tsoom sid kom txav los ze nws. Nws hais rau lawv tias : "Nej mloog kom nej to taub ! Tsis yog tej yam nkag hauv neeg lub ncauj ua kom neeg tsis huv; yog tej yam uas tawm hauv lub ncauj los ua kom neeg tsis huv."
Cov thwj tim txav ze Yes Xus, lawv hais tias : "Koj puas paub tias cov Fas Lis Xais hnov koj hais li ntawd, mas lawv tsis txaus siab ?" 
Yes Xus teb tias : "Tus yub twg tsis yog kuv Txiv nyob saum ntuj cog, mas yuav muab dob pov tseg. Cia lawv chim lawv : lawv yog ib co neeg dig muag coj ib pab dig muag kev ! Vim tias yog ib tug dig muag coj lwm tus dig muag kev, mas nkawd ob leeg yuav ua ke mus poob qhov."

 

Add new comment

10 + 0 =