NTHUAV NTAWV MOO ZOO HNUB TIM 8/1/2020

LIS PIAM 2 CAIJ YES XUS YUG LOS.

Yes Xus mus ko taw saum dej ntuj. (MK 6 : 45 - 52)
Tam sim ntawd, Yes Xus txhib cov thwj tim kom nce nkoj ua nws ntej mus lawm sab ntug dej tim ub, ncaj rau Npes Xais Das ; hos Yes Xus xa tsoom sid rov qab. Thaum Yes Xus tso tsoom sid rov mus tas, nws mus teev Ntuj saum roob. Thaum tsaus ntuj lawm, lub nkoj mus txog tom plawv dej ntuj, hos Yes Xus tib leeg nyob tim ntug nqhuab. Yes Xus pom cov thwj tim siv zog nquam nkoj, vim cua tshuab tom hauv ntej tuaj. Thaum yuav kaj ntuj, kwv yees peb teev sawv ntxov, Yes Xus mus ko taw saum nplaim dej caum lawv, nws yuav huas lawv ntej. Cov thwj tim pom Yes Xus mus kev saum nplaim dej, lawv xav tias yog poj ntxoog, ces lawv qw qw. Sawv daws puav leej pom tib si ces lawv poob siab tas. Tab sis, Yes Xus hais lus tam sis ntawd rau lawv, nws hais tias : "Nej ua siab loj ! Yog kuv, txhob ntshai."
Yes Xus thiaj nce mus nrog lawv nyob hauv nkoj, cua cia li tu nrho. Tab sis cov thwj tim ntshai loj kawg rau nruab siab. Lawv tsis to taub dab tsi txog cov ncuav mov, vim lawv lub siab qhwv.

Add new comment

3 + 4 =