NTHUAV NTAWV MOO ZOO HNUB TIM 2/11/2019

Z 6 : 37-40

Cov mov pub txoj sia yog Yes Xus.

 37 Txhua yam uas kuv Txiv muab rau kuv yuav los cuag kuv. Hos tus tuaj cuag kuv, kuv yuav tsis ntiab nws rau nraum zoov. 38 Vim kuv nqes saum ntuj los, tsis yog los ua ywj kuv siab, yog los ua raws li Tus Xa kuv tuaj lub siab. 39 Tus Xa kuv tuaj lub siab xav, yog zoo li no : Kom kuv tsis txhob ua ib yam uas nws muab rau kuv ploj li, thiab hnub kawg, kom kuv tsa yam ntawd sawv rov los. 40 Qhov uas kuv Txiv nyiam yog zoo li no : leej twg pom Leej Tub thiab ntseeg txog Leej Tub, mas nws muaj txoj sia nyob mus li, thiab Hnub Kawg, kuv yuav tsa nws sawv rov los."

 

Nyob rau hauv zaj no, Huab Tais Yes Xus hais tias : Huab Tais Leej Txiv lub siab nyiam yog qhov tias ; txhua tus neeg pom Huab Tais Leej tub thiab ntseeg txog nws, yuav tau txais txoj sia nyob mus li, thiab yuav sawv rov los nyob rau hauv hnub kawg.

Peb sawv daws tau pom Huab Tais Leej Tub nyob rau hauv peb txoj kev ntseeg, thiab nyob hauv lub Cim Ntxuav. Li ntawd, yog peb xav tau txoj sia nyob mus li, peb yuav coj zoo thiab ua zoo. Nyob rau hauv hnub tim 2 lub 11 hlis no, peb yuav thov Ntuj rau cov dua nra. Peb yuav thov Ntuj lub txiaj ntsim pub rau cov laus thiab peb tej kwv tij txheeb ze uas lawv ncaim peb mus lawm. Peb ntseeg tias ib txhia lawv tseem raug nyob rau hauv lub teb chaws them txim. Li ntawd, yog hnub no peb thov Ntuj rau lawv thiab tag kis uas yog hnub hwm txog tsoom Leej Ntshiab, peb teev Ntuj thiab thov Ntuj pab lawv mus txog rau hnub tim 8, mas lawv yuav tau txais Tswv Ntuj lub txiaj ntsim puv npo. Yam li peb yuav hais zaj ; Kuv Ntseeg Txov Tswv Ntuj, Zaj Peb Txiv Nyob Saum Ntuj, thiab zaj Koj Nyob Kaj Lug Mab Liab.

Add new comment

9 + 2 =