Hnub Chiv Tim 7 Lub 3 Hlis 2021

Hnub Chiv Tim 7 Lub 3 Hlis 2021

Lub Caij Plaub Caug 3

Zam Ntawv Moo Zoo 2:13-25

Lub Tuam Tsev Teev Ntuj uas Zam Ntawv Moo Zoo hais txog muaj ob lub ntsiab. Qib tim ib yog lub Tuam Tsev Teev Ntuj nyob Yes Lus Xas Les. Nws tseem ceeb tshaj rau cov neeg Israel. Vim tias lub Tuam Tsev  no yog ib qho chaws uas Tswv Ntuj nrog haiv neeg Israel nyob. Lawv thiaj li mus teev Ntuj txhua xyoo nyob hauv lub Tsev Teev Ntuj no. qib tim ob lub Tuam tsev uas Yes Yus hais txog hnub no tsis yog lub Tuam tsev uas peb mus teev Ntuj thiab cev cov txim rau Tswv Ntuj. Tiam sis nws ntxhais tias yog lub Cev uas yog lub Tsev Ntshiab. Yes Xus hais tias peb hnub tom qab nws rov txhim tau lub tsev ntshiab. Qhov no Huab Tais Yes Xus hais txog Nws txoj kev sawv rov los. Yam tom ntej sawv daws yuav tsis teev Ntuj hauv lub Tuam Tsev no lawm, vim tias lub Tuam Tsev no yuav raug rhuav pov tseg kwv yees hauv lub xyoo xya caum. Tiam sis, sawv daws yuav teev Ntuj nyob hauv Yes Xus lub npe thiab cev.

Thaum peb hais txog Tswv Ntuj Lub Tsev niaj hnub nyem no, peb hais tias Lub Koom Txoos yog Yes Xus lub Cev thiab peb lub cev yog Leej  Ntuj Plig lub tsev. Peb puas paub tias peb lub cev yog Tswv Ntuj lub tsev, vim li ntawd, peb lub cev ntshiab thiab muaj nqis. Thaum peb lub cev yog Tswv Ntuj lub tsev, ces peb yuav saib xyuas peb lub cev zoo li cas? Peb puas tso kev phem kev tsis zoo tuaj nyob hauv peb lub cev? Peb yuav tso peb cev mus ua kev phem kev tsis zoo tsis tau.

Thov kom Tswv Ntuj nrog nej nyob, ua nej siab kaj lug. Peb mam sib ntsib dua.

Add new comment

3 + 6 =