Tus Tswv Qhia Liab nyob Xis Laas Kas thov kom Human Chain, kom nrog thov qhov tseeb hais txog kev tua neeg nyob hauv Hnub Chiv Hla.

Tus Tswv Qhia Liab Ranjith uas nyob Kos Loos Npias thov cov neeg ntseeg Xis Laas Kas kom lawv teeb tsa ‘Jana Paura’ uas yog tib neeg txoj kev txhawj xeeb, kom tau taij thov qhov tseeb hais txog kev tua neeg nyob hauv Hnub Chiv Hla xyoo 2019. “Peb yuav nco ntsoov txog tus qub thawj txiav txim cov lus, nws hais txog cov neeg sib koom tes ua txha nqaj qaum ntawm kev tua neeg”.

“Rau cov txiaj ntsig thiab lub teb chaws yav tom ntej, tib neeg yuav tsum paub tias muaj dab tsi tshwm sim nyob hauv kev tua neeg”. Nod yog Tswv Qhia Liab cov lus hais. 

Nws hais tias : cov teeb meem ua kub ua ntxhov thiab kev sib tawg ntawm cov kev teev hawm hauv cov haiv neeg tsis tau quav ntsej txog kev ncaj ncees. 

“Kab lis kev cai tsis ncaj ncees no, siv cov tswv yim los ua kom tib neeg tsis nco qab tag nrho cov kev ua phem no.” Tswv Qhia Liab pab neeg hais cov lus no.   

Nws thov kom tas tsoom pej xeem, tsis txhob xav txog kev sib tawg ntawm cov haiv neeg los yog kev teev hawm ntawm lawv. Thov kom sawv daws tuaj sib sau ua ke nyob hauv txoj kev tsheb Colombo-Negombo, kom tau tsim tib neeg txawj saw sib khi.

Hnub tim 21 lub 4 hlis 2019, cov neeg phem tau chua hoob pob tua 2 lub tsev teev Ntuj Kav Tos Liv thiab 3 lub tsev txais qhua nrog rau ntau lub tuam tsev piam sij tas. Cov neeg chua hoob pob rov tua lawv tus kheej kom tuag nrog cov xwm txheej no muaj 8 leej. Cov tseem hwv hais tias lawv sib koom tes nrog cov I.S thiab tua neeg tuag 261 leeg. Tswv Qhia Ranjith ua xyem xyav txog kev tua neeg ntawm cov tseem hwv thiab thov kom lwm teb chaws muaj kev rov qab soj ntsuam txog qhov tseeb.