COV NTSEEG KAV TOS LIV HAUV ZOS NAB NYAS, LOS TSUAS TEB UA KAB KE NQAUM NPLOOJ

Hnub chiv tim 5 lub 4 hli 2020 no yog ‘Hnub Chiv Nqaum Nplooj’ raws li Kav Tos Liv cov kab ke. Yog hnub cov ntseeg txog Huab Tais Yes Xus yuav sib sau ua kab ke nqaum nplooj nyob hauv cov tsev teev Ntuj, kom nco txog thaum Huab Tais Yes Xus los hauv nroog Yes Lus Xas Les zoo li ib tug pleev.
Nyob rau sab Los Tsuas teb mas nom tswv tsab cai teev hawm Yes Xus nruj heev, cov Leej Choj los muaj tsawg thiab pem zos Hmoob mas tsis muaj tsev teev Ntuj, yog li cov ntseeg thiaj niaj lis piam sib sau ua Thaj Txi Ntuj nyob hauv tus coj lub tsev ntau xwb.
Hauv lub zos Nab Nyas mas muaj Xib Hwb Xaiv Qiam yog tus saib xyuas cov ntseeg sawv daws, yog li nyob rau Hnub Chiv Nqaum Nplooj nws thiaj sawv ua tus coj sawv daws ua kab ke nqaum nplooj.
Txawm tias tsis muaj ib tus Leej Choj tuaj saib xyuas thiab tuaj ua kab ke rau lawv los, lawv tseem muaj lub siab kub lug thiab ruaj nreb rau txoj kev ntseeg uas thaum ub cov Txiv Plig Fab Kis tau cog nyob hauv lawv thiab lawv tseem niaj hnub ua tim khawv txog Huab Tais Yes Xus lub Moo Zoo nyob hauv lawv lub neej.
Tus sau : Muas Lauj, Zoo Tswv Zov Yaj

Comments

Nyob zoo rau tsoom ntseeg Hmoob Catholic nyob Los Tsuas teb, Thaib teb, Nyab Laj teb, Suav teb & cov teb chaws nyob ASIA uas muaj peb cov Hmoob Catholic nyob, Tub Muas Lauj, zoo siab pom koj sau ntawv qhia txog Cov kwv tij Hmoob Catholic nyob Los Tsuas teb ua hmoov kab ke nqaub nplooj 2020 nyob zos Naj Nyas (Nas Nyas nyob lub xeev dab tsi?) ua koj tsaug ntau. Tsoom ntseeg sawv daws cov uas nej yog neeg ntseeg Yes Xus, (ntseeg Ntuj) txawm tias nyob teb chaws Los Tsuas, teb chaws Nyab Laj & teb chaws Suav luag tej nom tswv saib cov neeg ntseeg Yes Xus nruj los kom nej yuav tsum paub yoog luag cov nom tswv, luag pub yus ua txij twg los yus yuav tsum ua txij ntawd xwb, yuav ua ib yam dab tsi los yuav tsum xub nug luag thiab thov kev tso cai tso mam ua thiaj tsis muaj teeb meem li kuv hnov cov ntseeg nyob Nyab Laj teb tej teeb meem. Thov kom HT. Ntuj pov hwm nej sawv daws kom zam dhau tej kab mob sib kis Covid-19 niaj hn
hnub no mog.

Add new comment

12 + 3 =