UA TUS COJ XO THIAB UA TIM KHAWV TXOG HUAB TAIS NTUJ TXOJ KEV NYIAM

Hnub Chiv tim 26 lub 1 hlis no, Vaj Qhia Fas Ntshis Kus hais rau cov ntseeg uas tuaj sib sau nyob hauv tshav tiaj ntawm tuam tsev teev Ntuj hwm Leej Ntshiab Pob Zeb tias lawv yuav txaus siab hloov tus kheej raws li Leej Ntuj Plig lub txiaj ntsim thiab ua tus xa Tswv Ntuj cov lus cawm neeg mus cuag lwm tus.
Ntawv Moo Zoo hauv hnub no qhia peb tias Huab Tais Yes Xus ntsib nws plaub tug Thwj Tim thiab hu kom lawv hloov siab tshiab li cas.
Vaj Qhia hais tias “Tsis muaj yam twg zoo thiab tshiab uas neeg yuav vam tias tuaj hauv Nkas Lis Lais tuaj, tiam sis thaj chaw ntawm no yog qhov Huab Tais Yes Xus pib nws txoj hauj lwm.” Tos Vaj Qhia hais li yeeb vim Nkas Lis Lais yog ib thaj tsam muaj cov neeg His Xas Lais nyob xyaw cov neeg teev pej kum dab. 
“Huab Tais Yes Xus pib ceeb toom tias ‘nej hloov siab mog, vim Ntuj lub Ceeb Tsheej los txog ze lawm’, mas yog pib ntawm Nkas Lis Las no.” Vaj Qhia hais “Zoo li yog kab ci ntsa iab tsom dhau qhov tsaus ntuj thiab iab oo tuaj.”
Vaj Qhias Fas Ntshis Kus hais ntxiv mus tias muaj ntau zaus mas zoo li peb yuav hloov siab tshiab tsis tau, peb tso txoj kev qia dub cuaj khaum tsis tau, peb tso kev phem kev txhaum tsis tau. vim txoj kev rau siab hloov ntawd yog peb hloov kom ywj peb siab xwb, tsis yog hloov raws li Leej Pleev thiab Leej Ntuj Plig txoj.
Yog vim li no Vaj Qhia thiaj kom cov ntseeg sawv daws qhib siab thiab qhib lub tswv yim txais Huab Tais Yes Xus lub Moo Zoo uas yog lub Moo Zoo hloov ntiaj teb thiab hloov siab ntsws tau.
“Peb raug hu los tso siab rau Leej Txiv, peb raug hu lo txais Leej Txiv kev khuv leej thiab peb raug hu los yuav siab tshiab nyob hauv Leej Ntuj Plig Ntshiab li txiaj ntsim.”
Yam no yog yam tshwm sim nyob hauv Huab Tais Yes Xus thawj pab Thwj Tim. Kev ntsib Huab Tais Yes Xus txhawb kom lawv rau siab raws Huab Tais Yes Xus qab, lawv tau hloov lawv txoj sia los tsob hwb Ntuj Ceeb Tsheej.
Kawg no, Vaj Qhia Fas Ntshis Kus caw sawv daws tig los yuav raws li thawj pab tub tshaj Ntuj Lus, raws nraim tus cawm seej hneev taw kom cov neeg tshaib nqhis muaj kev vam khom.

Txhais los ntawm : www.vaticannews.va/en
Tus txhais : Muas Lauj, Zoo Tswv Zov Yaj

Add new comment

15 + 4 =