PEB TXHOB NTXHOV SIAB TAB SIS PEB YUAV QHIB SIAB TXAIS YES XUS KEV XYIV FAB

Nyob hauv hnub chiv tas los no, Vaj Qhia Fas Ntshis Kus caw peb los koom kev zoo siab xyiv fab, tab sis peb yuav ceev faj rau lub sij hawm peb poob siab, vim kev zoo siab xyiv fab thiab kev poob siab yog ib feem hauv peb txoj sia.
Vaj Qhia hais tias tus Yaj Saub His Xais sau cia tias txiv neej thiab poj niam raug hu kom txhob ntsia lawv qhov poob siab thiab ntxhov siab vim txoj kev cawm yuav qhwv lawv thiab tawg kaus nyob hauv lawv.
Vaj Qhia hais ntxiv tias peb sawv daws raug hu los yuav lub siab tshiab raws li Zam Ntxuav Plig thiab Huab Tais Yes Xus qhia. Peb raug hu los pom Tswv Ntuj lub ntsej muag nyob hauv Huab Tais Yes Xus tus neeg tsis muab hlob thiab khuv leej sawv daws.
Lub Caij Tos Huab Tais yog lub zim txwv Tswv Ntuj lub txiaj ntsim los txog peb, tsis yog tias peb ntseeg xwb thiaj tau Ntuj txiaj ntsim : peb yuav tsum ntxuav peb txoj kev ntseeg kom tshiab txhua txhia hnub thiab.
Kawg no, Vaj Qhia Fas Ntshis Kus tau thov niam Mab Liab tias “Caij Yes Xus yug ze los lawm, thov niam Mab Liab pab peb kom peb txhob poob siab rau tej xwv txheej ib ncig peb, tab sis thov kom peb qhib siab rau tus Huab Tais yuav los; kom nws los daws peb kev mob kev txhaum, kom peb ntsib kev xyiv fab nyob hauv nws.

Tus txhais : Muas Lauj, Zoo Tswv Zov Yaj

Add new comment

5 + 13 =