PEB LEEG HUAB TAIS YOG KEV NYIAM TSOB HWB NTIAJ TEB

"Cov ntseeg yuav tsum ua lub neej nyob hauv txoj kev nyiam,
mas thiaj yuav ntsib Huab Tais Ntuj."

-Vaj Qhia Fas Ntshis Kus-
7/6/2020

Hnub chiv tas los no yog Hnub Nyoog Hwm Peb Leeg Huab Tais, zaj nyeem hauv Zam Ntawv Moo Zoo (Z 3:16-18) thiaj hais txog Tswv Ntuj txoj kev nyiam pub rau ntiaj teb.
Peb yuav pom Huab Tais Yes Xus hais rau Nis Kos Des Mos tias vim Tswv Ntuj nyiam lub qab ntuj neeg npaum no, nws thiaj muab nws Leej Tub twm zeej rau, kom xwv tus ntseeg txog Leej Tub txhob tuag, tab sis kom nws muaj txoj sia nyob mus li.
Vaj Qhia hais tias Huab Tais Yes Xus cov lus no qhia peb paub txog Leej Txiv, Leej Tub thiab Leej Ntuj Plig txoj kab xwm, yog cawm qab ntuj neeg hauv txoj kev txhaum.
Vaj Qhia hais ntxiv tias txawm tib neeg muaj txhaum los Tswv Ntuj nyiam tib neeg tas mus li. Txawm tias peb khiav deb ntawm Tswv Ntuj, los Tswv Ntuj tsis tso peb pov tseg.
Vim txoj kev nyiam qab ntuj neeg, mas Huab Tais Ntuj thiaj xa nws Leej Tub los xeeb ua neeg kom tau ntxuav peb qhov txhaum.
“Yog li no, Peb Leeg Huab Tais thiaj yog txoj kev nyiam, yog txoj kev tsob hwb ntiaj teb, vim Tswv Ntuj xav npo qab ntuj neeg thiab tsim txoj sia tshiab rau tib neeg.” Vaj Qhia Fas Ntshis Kus xaus li.
Nyob hauv Caij Nyoog Hwm Peb Leeg Huab Tais no, thov kom peb qhib siab txais Huab Tais Tswv Ntuj los nyob hauv peb, tso siab rau Huab Tais Yes Xus coj peb kev.”
Vaj Qhia Fas Ntshis Kus ntuas sawv daws tias “Cov ntseeg yuav tsum ua lub neej nyob hauv txoj kev nyiam, mas thiaj yuav ntsib Huab Tais Ntuj. cov ntseeg yuav tsum nrhiav Tswv Ntuj, vim Tswv Ntuj twb xub ntsib peb lawm.”

 

Add new comment

3 + 13 =