YIM NEEG NTSHIAB (Holy Family)

Yim neeg ntshiab muaj leej txiv Yos Xes, leej niam Mab Liab thiab leej tub Yes Xus. Koom Txoos kom cov ntseeg sawv daws ua hmoov hwm yim neeg ntshiab rau thawj hnub chiv tom qab Huab Tais Yes Xus yug los, yog tsis muaj hnub chiv li hais ces yuav ncua mus rau tim 30 lub 12 hlis.

Hauv Ntawv Moo Zoo, tsuas pom muaj 5 zaug xwb thiaj piav txog lawv 3 leeg nyob ua ke li no: thaum tus me nyuam Yes Xus yug, thaum cov kws hnub qub tuaj hwm tus me nyuam Yes Xus, thaum cev tus me nyuam Yes Xus hauv lub tuam tsev teev Ntuj, thaum Yos Xes coj Mab Liab thiab tus me nyuam Yes Xus khiav mus Hais Nkws Tos teb, thiab thaum Yos Xes thiab Mab Liab nrhiav tau Yes Xus hauv cov kwv ntawv Ntshiab.

Yos Xes, yog tus neeg nyiam ua raws Tswv Ntuj siab nyiam, yog tus neeg ncaj ncees, nyiam ua neeg me thiab muaj lub siab khuv leej txog lwm tus.

Mab Liab, yog ib tus nkauj tsim txiaj, nyiam ua raws Tswv Ntuj siab nyiam thiab mloog Tswv Ntuj lus.

Tus me nyuam Yes Xus, nkag siab zoo txog nws txoj hauj lwm thiab tsis xyeej tsis yig txoj hauj lwm Huab Tais Tswv Ntuj muab rau nws ua.

Vim li ntawd, xyoo 1921 Vaj Qhia Npes Nes Dis 15 thiaj kom tsoom ntseeg ua hmoov hwm yim neeg ntshiab rau hnub chiv tom qab Yes Xus tawm tuaj. Txog xyoo 1969, Koom Txoos Kav Tos Liv thiaj hloov los tso rau thawj hnub chiv tom qab Huab Tais Yes Xus yug los txog niaj hnub no.

Add new comment

11 + 1 =