LEEJ NTSHIAB YAS KOS (St. James, son of Zebedi the Apostle)

Leej Ntshiab Yas Kos, uas luag hu nws ua : ‘Tus loj’, nws yog Ntxes Npes Dais thiab Xas Los Mes tus tub. 
Lub npe Yas Kos txhais tias : ‘Tus raws Yes Xus qab.’ Yog hu raws xeem lus Hes Nplaws. Yas Kos yog Zam sau ntawv Moo Zoo tus tij laug. Yas Kos thiab Zam yog Yes Xus thawj pab Thwj Tim. Nkawd raws nraim Yes Xus tsis muaj qhov ua xyem xyav. (LK 5 : 10) 
Thaum Zam Ntxuav Plig nyob ntawm tus dej Yos Las Das, thiab nws taw tes rau saum Huab Tais Yes Xus, mas ua ib lub Cim tias : “Nod yog Mes Xias.” 
Yas Kos zoo siab raws Yes Xus thiab nws lub siab zoo ncaj ncees. Thaum Huab Tais Yes Xus hais tias nws yuav kom lawv txhob puav ntses lawm, thiab lawv tig los puav neeg. 
Yas Kos tso nws lub puav ntses tseg thiab nws raws Yes Xus mus. 
Huab Tais Yes Xus tau hais tseg tias : Yas Kos yuav yog tus koom nrog nws haus ib lub ntim, ces yam ntawd muaj tseeb tiag. Yas Kos yog thawj tug Thwj Tim uas hliv nws roj ntsha los tuag pub rau Yes Xus. Yam li nws raug txiav caj dab tuag nyob hauv lub Caij Hla, xyoo 42 – 43.

 

Add new comment

16 + 0 =