LEEJ NTSHIAB XIS LIS NTAWM AS LES XAS NROS (St. Cyril of Alexandria)

Nyob hauv lub Koom Txoos, mas muaj qee lub sij hawm qhov tseeb yeej qhov yuam kev. Yog vim muaj cov Tim Khawv ua siab tawv qhawv tshaj Ntuj Lus thiab lawv muaj txoj kev ntseeg ruaj nreb, ces lawv thiaj raug xaiv uas tus coj Tswv Ntuj pab yaj. 
Xis Lis yog ib tug Txiv Plig neeg Hais Nkws Tos. Nws raug tsa ua Tswv Qhia nyob hauv lub nroog As Les Xas Nros. Xis Lis yug los xyoo 387, thiab nws tuag hnub tim 17 lub 6 hli xyoo 444. 
Xis Lis yog ib tug neeg siab kub, tab sis nws lub siab ntse thiab tshaj lij kawg, nws paub ntau yam. Xyoo 412, Xis Lis tau txais txoj hauj lwm ua kws lij choj los ntawm nws txiv hlob Tes Os Fis Los nyob hauv lub nroog As Les Xas Nros, teb chaws Hais Nkws Tos. Thawj xyoo uas Xis Lis coj lub Koom Txoos, mas nws ntsib teeb meem ntau kawg. Tab sis nws txuag cov neeg ntseeg zoo thiab nws kav sawv daws nyob hauv kev thaj yeeb, ces nws tau ua thawj coj ntawm lub rooj sau siab nyob hauv lub nroog Es Fes Xos. Xis Lis hwm lo lus tias : “Niam Mab Liab yog Tswv Ntuj Leej Niam.” Ces nws rau txim rau cov neeg qhia tej yam yuam kev txog kev ntseeg. Xis Lis txiav ntau yam tsis haum kev ntseeg pov tseg, ces luag qhuas tias nws yog ib tug ntseeg ruaj khov thiab muaj lub siab tawv nyob hauv txoj kev ntseeg. Vaj Qhia Les Os tim 13 thiaj tsa Xis Lis ua ib tug kws tshaj lij nyob hauv lub Koom Txoos. Nws nto npe tias : 
“Tus kws tshaj lij ntawm Yes Xus txoj kev nqis los ua neeg.” 
Peb cov neeg ntseeg yuav thov Ntuj thiab ua raws li no :
(1) Thov lub Koom Txoos kom hwm Niam Mab Liab uas yog Yes Xus niam.
(2) Thov kom peb mloog Niam Mab Liab cov lus thiab ua xis Tswv Ntuj siab. 
(3) Thov kom Niam Mab Liab lub txiaj ntsim coj peb mus nyob ze Yes Xus zuj zus.
(4) Yog peb hwm Niam Mab Liab, mas peb yuav tos txais Huab Tais Yes Xus uas yog cov mov pub txoj sia tuaj nyob hauv peb.

 

Add new comment

4 + 3 =