LEEJ NTSHIAB HIS LAS LIAS (St. Hilarion)

Leej Ntshiab His Las Liassaint Hilarion

Hnub tim 21 lub 10 hli hwm Leej Ntshiab His Las Lias.

Thaum His Las Lias muaj hnub nyoog 15 xyoos, nws tau mus nrog Leej Ntshiab As Tos Nis nyob hauv tuam ceeb As Les Xas Ntias, Hais Nkws Tos teb. Nyob hauv no, His Las Lias tau hloov siab tshiab los ntseeg Ntuj. Tab sis nyob hauv As Tos Nis tsev, mas muaj neeg tuaj cuag As Tos Nis ntau; ces His Las Lias thiaj rov qab los rau Tas Npas Tas.

Tom qab nws niam thiab txiv tuag lawm, His Las Lias tau muab nws cov cuab tam pub rau nws cov kwv tij thiab cov neeg txom nyem; ces nws mus rau hauv teb chaws suab puam, Pas Les Tais teb.

His Las Lias coj lub neej twm zeej thiab yoo mov txhua hnub. His Las Lias raug dab phem ntxias paum cas nyob hauv txoj kev txom nyem no los, nws tsis tso txoj kev ntseeg thiab lub siab kub lug rau txoj kev nws taug no. Nws niaj hnub nyeem ntawv Ntshiab thiab thov Ntuj txhab nws lub zog kom txhob qaum rau txoj kev ntxias.

His Las Lias ua neej nyob hauv teb chaws suab puam tau 22 xyoos, yog li thiaj muaj ntau leej xav tuaj cuag nws, tuaj ua nws thwj tim. Tab sis nws nyiam lub neej twm zeej, yog li His Las Lias thiaj khiav rov ab mus rau Hais Nkws Tos teb, pov txwv Xis Xis Lis, Das Mas Tias thiab mus txog rau pov txwv Kws Plos. Nyob ntawm no His Las Lias tau tas sim neej rau xyoo 371, nws hnub nyoog yog 80 xyoo.

Add new comment

15 + 4 =