LEEJ NTSHIAB HES LIS TIM OB (St. Henry II)

Hes Lis yug los xyoo 973 nyob lub kuj cuab Npas Yees uas zim txwv no yog ib lub xeev nyob Zes Mas Nias teb. 
Xyoo 995, Hes Lis muaj 22 xyoos nws pib ua vaj kav Npas Yees teb. Hes Lis kub siab pab lub Koom Txoos.
Xyoo 1014, nyob Los Mas tus Vaj Qhia pub lub mom teev kub tsa Hes Lis ua Tuam Vaj kav Npas Yees teb. Thaum ntawd Hes Lis muaj 41 xyoos lawm. Nws muab siab rau mloog cov Txiv Twj Cuab loj nyob Kaws Lws Nis, Fab Kis teb, uas lawv qhia nws kom nws kav Npas Yees teb raws txoj kev mloog Yes Xus lub Moo Zoo.
Hes Lis tau rau siab xaiv cov Leej Choj siab ncaj los tsa lawv ua Tswv Qhia coj cov Ceeb Koom Txoos nyob Npas Yees teb. 
Tus Tuam Vaj Hes Lis nws poj niam hu ua Kws Nes Koos, nws nrog nws tus txiv koom siab pab lub Koom Txoos. Nkawd ob niam txiv niaj hnub qee tej lub caij ntev los teev Ntuj thiab txais Ntuj lus ua ke. 
Xyoo 1024, tus Tuam Vaj Hes Lis tas sim neej, nws hnub nyoog muaj 52 xyoos. 
Ob niam txiv lub ntxa nyob hauv lub tuam tsev teev Ntuj nyob hauv lub nroog Npas Npes, uas nyob hauv lub xeev Npas Yees, nyob Zes Mas Nias teb. 

 

Add new comment

5 + 9 =