YES XUS LUB HWJ CHIM TAWM LOS.

Niaj xyoo, hnub tim 6 lub 8 hli yog hnub lub Koom Txoos Kav Tos Liv ua hmoov hwm Yes Xus lub hwj chim tawm los uas yog ib yam xwm tseem ceeb nyob hauv Huab Tais Yes Xus lub neej.
Huab Tais Yes Xus kev ua tib neeg, mas muaj 5 yam xwm tseem ceeb yog : Huab Tais Yes Xus txais Cim Ntxuav, Huab Tais Yes Xus lub hwj chim tawm los, Huab Tais Yes Xus raug ntsia saum Ntoo Cuam, Huab Tais Yes Xus sawv rov los, thiab Huab Tais Yes Xus nce mus saum Ntuj.
Mas Tais, Mas Kos thiab Lus Kas ntawv Moo Zoo cim txog zaj Huab Tais Yes Xus lub hwj chim tawm los cia tias : Tau rau hnub tom qab, Yes Xus coj Pob Zeb, Yas Kos thiab nws tus kwv Zam mus rau ib qho, ces lawv nce mus saum ib lub roob siab. 
Yes Xus ib ce hloov tas nyob ntawm lawv xub ntiag : nws lub ntsej muag ci ntsa iab zoo li lub hnub, nws cov ris tsho ci dawb paug li qhov pom kev. Ces Mais Xes thiab Es Lias nkawd tawm los rau lawv pom. Nkawd nrog Yes Xus tham. Thaum ntawd txawm muaj ib lub suab hais hauv twv huab tuaj rau Pob Zeb lawv tias : "Tus no, yog kuv leej tub uas kuv nyiam, nws yog kuv qhov chaw zoo siab, nej mloog nws mog !" 
Qhov xwm no yog ib yam zeem tseeb tias Huab Tais Yes Xus yog tus loj dua Mais Xes thiab Es Lias. Huab Tais Yes Xus yog Tswv Ntuj Leej Tub tiag.

 

Add new comment

2 + 10 =