HNUB CEV TUAM TSEV TEEV NTUJ HWM LEEJ NTSHIAB MAB LIAB RAU HUAB TAIS TSWV NTUJ

Nyob hauv tiam 4 muaj ib nkawm niam txiv neeg nplua nuj nyob hauv Los Mas tau txiav siab tias nkawd yuav muab tas nrho nkawd lub cuab tam cev rau niam Mab Liab. Hmo tim 4 lub 8 hli xyoo 355 txawm muaj ib kob daus poob los ib hmos, thiab nkaws ua npau suav pom niam Mab Liab los hais kom nkawd txhim ib lub Tuam Tsev Teev Ntuj rau ntawm thaj chaw cov daus poob los ntawd. Cev nkawd thiab Vaj Qhia Lis Npes Lis As thiaj pib txhim lub Tuam Tsev Teev Ntuj.

Lub tsev teev Ntuj txhim tiav kwv yees xyoo 400. Thaum ntawd, muaj ntau txoj kev sib cav txog niam Mab Liab tias tsis yog Tswv Ntuj Leej Niam. Txog xyoo 431 rooj ncauj lus hauv Es Fes Xos thiaj zeem tseeb tias niam Mab Liab yog Tswv Ntuj Leej Niam vim Huab Tais Yes Xus yog tseem Tswv Ntuj thiab tseem tib neeg tiag.

Kev zeem tseeb zaum no mas Vaj Qhia Xis Tus tim 3 thiaj cev lub Tuam Tsev Teev Ntuj no rau Huab Tais Tswv Ntuj thiab muab npe tias ‘Tuam Tsev Teev Ntuj Xaas Tas Mas Lis As Mas Ntsis Os Les’ (Santa Maria Maggiore) los yog Tuam Tsev Teev Ntuj hwm Leej Ntshiab Mab Liab.

Lub Tuam Tsev Teev Ntuj no yog lub tsev teev Ntuj loj tshaj plaws ua tsoom neeg ntseeg txhim tsa los cev rau Huab Tais Tswv Ntuj nyob hauv niam Mab Liab lub npe.

Tiam 16 Vaj Qhia Pis Us tim 5 thiaj ntim kab ke ua hmoov tsuj xeeb lub Tuam Tsev Teev Ntuj no rau hauv Koom Txoos cov caij nyoog los txog niaj hnub nyem no.

Add new comment

3 + 0 =