ZAJ NYEEM HNUB TIM 2 LUB 4 HLIS 2024
HNUB PEB LUB LIS PIAM HLA
COV LUS NYOB HAUV ZAM NTAWV MOO ZOO (ZM 20: 11-18)
Cov Hmoob sawv daws, Mab Liab quaj tu siab vim nws tsis pom Huab Tais Yes Xus lub cev lawm, tab sis thaum nws paub tias Huab Tais Yes Xus sawv hauv qhov tuag rov los txais txoj sia tshiab, mas nws zoo siab thiab mus tshaj lub moo zoo no rau lwm tus thwj tim.
Nyob hauv peb lub neej ua neeg ntseeg, qhov peb zoo siab tshaj mas yog qhov tias Huab Tais Yes Xus yeej txoj kev tuag, nws sawv rov los. Qhov no tau hloov peb txoj sia kom txhob poob rau hauv qhov txhaum. Qhov no daws peb kev tu siab pov tseg. Qhov no ua kom peb lub siab rov muaj kev vam khom tuaj.
Kwv tij Hmoob sawv daws, yog peb hloov siab tshiab tig los npuab Huab Tais Yes Xus, mas peb yuav ntsib kev kaj siab, peb yuav muaj kev zoo siab, peb yuav muaj kev vam khom zoo li hnub no Mab Liab Mas Ntas Las muaj.
Thaum peb tau txais lawm, peb yuav coj mus tshaj rau lwm tus, coj peb kev zoo siab kev vam khom nws mus faib rau lwm tus. Txhob puag cia ua yus ntiag tug xwb. Huab Tais Yes Xus twb hais tias “Koj txhob tuav kuv, tab sis koj mus cuag kuv cov kwv tij thiab hais rau lawv tias ‘kuv nce mus cuag kuv Txiv thiab nej Txiv, mus cuag kuv tus Tswv Ntuj thiab nej tus Tswv Ntuj’.”
