NTHUAV NTAWV MOO ZOO HNUB TIM 2/12/2019

(Daim duab no thau los ntawm : http://www.newemangelization.com)

Lis Piam 1 hauv lub Caij Tos Huab Tais.

MT 8 : 5-11 Kho ib tug xab txheeb tus me nyuam zoo.

Thaum Yes Xus mus hauv Kas Fas Naus, ib tug xab txheeb txav los ze Yes Xus, nws thov tias : "Huab Tais, kuv tus tub txib pw tom tsev, nws tes taw tuag tas. Nws mob heev kawg."
Yes Xus teb tias : "Kuv yuav mus kho nws."
Tus xab txheeb hais ntxiv tias : "Huab Tais, kuv tsis tsim nyog koj chaws los hauv kuv tsev, tsuav yog koj hais ib los lus xwb ces kuv tus tub txib yuav zoo hlo.
Txawm tias kuv yog ib tug neeg zwm rau luag tej, kuv kuj muaj ib co tub rog zwm rau kuv thiab. Yog kuv hais rau ib tug tias : 'Koj mus !' nws cia li mus, kuv ho hais rau lwm tus tias : 'Koj los,' nws kuj cia li los. Kuv hais rau kuv tus tub txib tias : 'Koj ua qhov no !' nws cia li ua."
Yes Xus hnov nws hais li ntawd, Yes Xus qhuas. Yes Xus hais rau cov neeg raws nws tias : "Kuv hais tseeb rau nej, kuv tsis tau pom ib tug neeg ntseeg npaum li ntawd hauv cov His Xas Lais. Kuv hais rau nej, yuav muaj neeg coob tuaj Toob Fab thiab Xib Fab tuaj nrog Has Nplas Has, nrog His Xas Has thiab Yas Kos noj rooj qav hauv Ntuj lub Ceeb Tsheej."

Add new comment

7 + 9 =

Please wait while the page is loading