Kev ua hmoov tsuj xeeb Yes Xus yug los thawj zaug nyob Zis Pees teb, ntseeg tau tias
tshwm sim tom qab cov teeb meem lub nkoj Pos Tws Nkas nchuav xyoo 1543, nyob
hauv lub pov txwv Tanegashima xib fab naj.
Cov teeb meem no tshwm sim yam tsis muaj leej twg xav txog li, thiaj ua kom muaj
kev sib pauv kab lis kev cai los ntawm cov neeg dim siav ciaj mus ua hmoov tsuj xeeb
Yes Xus yug los nyob hauv Zis Pees teb. Yog lub caij Tokugawa ua nom kav teb chaws
thiab siv txoj cai Sakoku, uas cais Zis Pees teb ntawm txhua feem hauv lub ntiaj teb.
Txoj kev ntseeg raug txwv nruj kawg. Kev txwv tsis pub ua hmoov tsuj xeeb Yes Xus
yug los raug txwv los 20 tawm xyoo thiab los txog rau tiam 19 tam. Kev ua hmoov tsuj
xeeb Yes Xus yug los nyob Zis Pees teb muaj ntau tshaj qhov sib pauv khoom plig thiab
tsuj xeeb tej kab lis kev cai. Maj mam txhim kho mus raws kab lis kev cai thiab kev cog
phooj ywg uas sov siab. Kev ua hmoov tsuj xeeb Yes Xus yug los nyob Zis Pees teb,
yog kev sib fim nrog lub Koom Haum fast-food uas nto npe hu ua Kentuckey Fried
Chicken (KFC).
Hnub ua hmoov tsuj xeeb Yes Xus yug los, cov neeg Zis Pees noj cov txhiam xws nco
txog kev tsuj xeeb ntawm Zis Pees, qhov ntawd yog qaib kib thiab sib fim nrog KFC
thiab Christmas txij 70 xyoo ua ntej no. Qhov tseeb thiab raug cai, yog cov tswv tsev
KFC pom tias cov neeg As Mes Lis Kas ncig tsham teb chaws lawv nyiam noj qaib kib
hnub tsuj xeeb Yes Xus yug los, ces lawv xav tias ntshe yog kev cai tiag tiag thiab thiaj
muaj tshwm sim txij ntawd los.
Zim txwv no noj qaib kib hnub tsuj xeeb Yes Xus yug los, tseem yog cov kab ke tseem
ceeb ntawm kev ua hmoov tsuj xeeb Yes Xus yug los nyob Zis Pees teb.
