Is Laas teb
Hoob pob tawg 2 zaug nyob Is Laas teb, ua rau neeg tuag 95 leeg thiab raug mob 200 tawm leej. Yog nyob hauv lub caij cov neeg tuaj koom ua cov kab ke nco txog tus thawj tub rog Qassem Soleimani txoj kev tuag, uas raug As Mes Lis Kas lub Drone tua tuag xyoo 2020. Lub hoob pob tim 2 tawg nyob hauv cov neeg coob coob ntawm Qassem Soleimani lub ntxa uas faus nyob hauv lub nroog Kerman sab toob fab naj. Is Laas tus Txoov Tim Tswv Ebrahim Raisi thuam txog kev tua neeg zaum no tias : yog ib txoj kev tua neeg lim hiam yam tsis yog neeg. Thiab yawg Ayatollah Khamenei uas yog tus thawj tub rog loj tshaj ntawm Is Laas teb cog lus tias :
lawv yuav tsum pauj kua zaub ntsuab rau txoj kev tuag zaum no.
