Kev sib tua tseem muaj ntxiv mus, tom qab uas Jaranwala tus xib hwb hauv lub tsev teev Ntuj Presbyterian raug quab yuam kom nws nyeem cov lus Aas Nkus Las (Quranic) thawj zaug. Tom qab kev raug tua, nws raug xa mus rau tsev kho mob yam sai kawg. Nws hais tias : tus yuav ris kev sib tua ntawd yog cov neeg sau duab Islam rau ntawm phab ntsa tsev teev Ntuj ntau lub lis piam tag los. Cov neeg txuag tib neeg kev ncaj ncees hais tias : nov yog ntu sij hawm uas phem tshaj plaws hais txog cov neeg ntseeg nyob Pas Kis Taas teb.
Txij lub 8 hli nrab uas muaj kev tua neeg thiab tsoo tsev teev Ntuj nyob hauv lub nroog Jaranwala, vim kev sib thuam ntawm cov kev teev hawm. Kev tua neeg thiab kev ua kub ntxhov rau cov neeg ntseeg tseem muaj ntxiv mus. Hnub tim 3 lub 9 hlis no, Txiv Plig Eliezer Sidhu uas saib lub tsev teev Ntuj Presbyterian raug tua lub sij hawm nws tab tom rov qab mus tsev hauv lub nroog Rehmat Khanuana, hauv lub xeev Faisalabad. Txiv Plig hais tias : chiv thawj nws raug quab yuam kom nyeem cov lus nyob hauv Aas Nkus Las, tab sis nws tsis kam nyeem. Tus neeg phem ntawd xuas phom tua Txiv Plig taub hau thiab ib sab caj npab, ces tus neeg tua khiav mus lawm. Tab sis Txiv Plig hmoov zoo thiab nws tsis tuag. Tswv Qhia Indrias Rehmat nyob hauv lub Cheeb Koom Txoos Faisalabad hais rau cov tub ceev xwm tias : thov kom cov tub ceev xwm nrhiav ntes kom tau tus neeg phem ntawd los rau txim. Tam sim no Txiv Plig Eliezer Sidhu pw kho mob nyob hauv tsev kho mob thiab nws hais tias : tus neeg phem ntawd yog tib tug uas sau cov lus Islam rau ntawm phab ntsa tsev teev Ntuj lub 8 hli tag los. Tom qab hnub tim 16 lub 8 hli los, mas muaj tshaj 20 lub tsev teev Ntuj thiab 800 tawm tus neeg ntseeg rau tua. Cov neeg ntseeg muaj tshaj 10,000 leej raug ntiab kom khiav tawm mus, vim kev sib thuam kev ntseeg nyob hauv zej zog.
Cov neeg phem tseem ua ntxiv mus tas zog, cov Mawv Xis Lim uas nyob Kas Las Ntsis thiab Las Vas Pis Dis tau kho cov phab ntsa tsev thiab sau cov lus Islam. Cov tsev teev Ntuj thiab cov neeg ntseeg tab tom ua hauj lwm hnyav los tiv thaiv kev ua phem rau lawv nyob hauv txoj cai. Xws li kev sib tham ntawm cov kev teev hawm thiab ua cov hauj lwm txhawb nqa.
