Cov poj niam thiab txiv neej rov sib yuav : lub Koom Txoos As Xias thiab Fiducia Supplicans

Cov poj niam thiab txiv neej rov sib yuav : lub Koom Txoos As Xias thiab Fiducia Supplicans.

Tus Tswv Qhia Liab Owald Gracia uas nyob Moos Npais hais tias : kev foom hmoov zoo rau txhua leej yog ib feem ntawm peb sab ntsuj plig. Vas Tis Kas cov ntaub ntawv lees paub tus cuj pwm tseeb kawg, tsis tau hloov kev ntseeg hais txog kev sib yuav xws li cov nkag siab yuam kev. Tus Tswv Qhia Liab William Goh hais tias : peb ua kom pom txog kev khuv leej, tab sis peb tsis pom zoo txog kev nyob ua ke los yog poj niam thiab txiv neej rov sib yuav, vim tias tsis muaj qhov tseeb thiab kev hlub kuj raug cuam tshuam. Kev sib tham nyob hauv lub rooj sab laj cov Kav Tos Liv thoob ntiaj teb tom qab kev tshaj tawm ntawm Fiducia Supplicans luam tawm uas tau txais lus tso cai los ntawm Vaj Qhia Fas Ntshis Kus hnub tim 18 lub 12 hlis tag los no, kuj tau hais txog As Xias ib yam. Tswv Qhia Owald Gracia yog tus Tswv Qhia nyob Moos Npais, nws yog tus sawv cev ntawm xeev ntuj nyob hauv lub rooj Tswv Qhia Liab. Hais txog qhov no nws thov kom muaj kev cais qhov sib txawv nyob hauv sawv daws raws li Vas Tis Kas cov ntaub ntawv thiab raws kev sib yuav nyob hauv kev ntseeg.
“Kuv ntseeg hais tias lub teb chaws Is Ntias uas muaj cov kev teev hawm ruaj khov, yam uas Fiducia Supplicans tshaj tawm los ntawd, yog qhov tseeb raws ib txwm muaj”.
Tswv Qhia Gracias hais rau AsiaNews hais tias : koob hmoov yog ib feem ntawm peb sab ntsuj plig, txhua tus neeg nyob Is Ntias teb puav leej thov txog. Kuv tau ntsib tus thawj pwm tsav Modi thiab nws thov kom kuv thov Ntuj pab. Ces kuv thov Ntuj thiab foom koob hmoov rau nws. Cov Is Ntias lub tswv yim thiab cov neeg hauv txhua txoj kev teev hawm, sawv daws puav leej nrhiav Tswv Ntuj. Sawv daws puav leej nrhiav qhov tseeb thiab sawv daws nrhiav tus ntsuj plig.