Cov Kav Tos Liv Is Ntias hais tias kev siv AI, tsuas yog siv tau hauv thaj tsam tso lus kheev xwb
Vas Tis Kas cov kav xwm mus tsham Is Ntias teb, lawv hais tias Technology tsim nyog yuav siv yam xyuam xim thiab tsis yog siv ua tej yam txhaum cai. Tswv Qhia Paglia uas yog tus thawj coj Pontifical Academy for Life hais nyob hauv lub rooj sab laj, nyob Nyus Des Lis hnub tim 30 lub 1 hlis, nws hais tias : lub Koom Txoos tsis tau txwv hais txog kev siv tswv yim tsim tawm (AI) nyob hauv lub neej ua neeg Kav Tos Liv. Nws hais cov lus no ua ntej yuav sab laj 7 hnub ntawm cov Tswv Qhia nyob Is Ntias. Kev sab laj muaj lub ntsiab lus hais txog kev siv tej tshuab uas tsis siv neeg.
“Lub ntiaj teb nyob hauv tiam neeg pauv ntxeev, thiab peb kuj tsis tau tiv hais txog kev siv Technology thiab lub tswv yim tsim tawm”.
Tswv Qhia hais tias ; cov neeg ntseeg tuaj yeem siv lub tswv yim tsim tawm tau ywj siab, tsuav yog siv mus rau yam tsis txhaum kev ntseeg xwb. AI tsim nyog siv yam xyuam xim thiab peb lub siab tsis txhob qaug rau tej kev siv txhua yam no.
Tswv Qhia Paglia hais ntxiv tias : Vas Tis Kas tau xaiv lub tswv yim tsim tawm uas muaj lub ntsiab hu ua “Hnub sib xa xov nyob ntiaj teb, tsa nyob hauv xyoo 2024”.
