Caritas Zis Pees thov kom tas ntiaj teb sib koom siab thov Ntuj thiab xa kev pab mus rau tsoom pej xeem ua raug av qeeg
Tom qab ib lis piam ntawm av qeeg muaj ceem heev nyob ntawm ntug hiav txwv sab hnub poob hauv Zis Pees teb. Lub zog av qeeg ua rau ntau txhiab leej neeg tsis muaj hluav taws xob thiab tsis muaj dej siv.
Tswv Qhia Daisuke Narui uas yog tus thawj tswj ntawm Caritas nyob Zis Pee teb tau qhia txog kev piam sij uas tsoom pej xeem tab tom raug.
Nyob hauv Vatican News kev ntxig nug, nws hais txog teeb meem av qeeg muaj ceem zaum no. Nws ua tsaug rau Vaj Qhia cov lus thov Ntuj thiab hais txog kev pab nyob thoob ntiaj teb. Av qeeg zaum no, yog 7 Richter nyob ntawm ntug hiav txwv Noto. Ua rau neeg tuag 200 tawm leej thiab raug mob tshaj 500 leej. Ua kev piam sij loj kawg, huab cua pauv ntxeev, cov huab cua sov tsis muaj li, los te los daus npu thiab los nag. Ua rau kev pab tsoom pej xeem nyuab kawg thiab ntxhov zuj zus.
Caritas Zis Pees uas yog ib feem ntawm Caritas nyob thoob ntiaj teb, tab tom siv zog koom tes los ntawm 20 lub Koom Haum Caritas. Tswv Qhia Narui tau hais txog kev pab tsoom pej xeem uas lawv raug teeb meem. Hais txog qhov nyuab ntawm kev pab, vim tej kev tsheb piam sij tas thiab cov neeg uas rauv xwv txheej lawv xav tau kev pab.
