TIB NEEG TXHUA LEEJ NQHIS KEV NRHIAV TSWV NTUJ

Nyob hauv hnub tim 11 lub 3 hlis tas los no Vaj Qhia Fas Ntshis Kus rov piav txog cov muaj hmoov zoo raws li Huab Tais Yes Xus qhia tias : Cov tau txoj hmoov zoo yog cov tshaib thiab nqhis txoj kev ncaj, vim Ntuj yuav daws lawv qhov nqhis.
Nyob hauv Vaj Qhia cov lus qhiav ke ntseeg zaum no, Vaj Qhia hais tias tus neeg tshaib nqhis txog txoj kev ncaj, mas nws yog tus muaj kev xyiv fab. Lo lus tias ‘Tshaib thiab Nqhis’ yog lo lus peb siv los hais txog yam tseem ceeb nyob hauv peb lub neej; hos lo tias ‘kev ncaj’ mas yog hais txog kev nqhis nyob hauv neeg lub siab, yog yam nyob hauv txoj kev nqhis, yog yam nyob hauv txoj kev tshaib, yog yam nyob hauv kev nyob tsis tsheej rau Tswv Ntuj.
Yam no muaj nyob hauv txhuas leej txhua tus, tsis hais tus neeg siab tsis ncaj thiab siab tsis zoo los yeej muaj tib yam nkaus. Vaj Qhia hais tias yog Leej Ntuj Plig Ntshiab txhuag yam no cia rau hauv peb : yog cov dej muaj sia ywg peb kom ciaj sia.
Yog li lub Koom Txoos thiaj raug hu los tshaj Tswv Ntuj Lus : vim Yes Xus lub Moo Zoo yog txoj kev ncaj loj tshaj txhua yam pub rau neeg lub siab, txawm tias tib neeg tsis quav ntsej txog.
“Sawv daws raug hu los ntsib yam muaj qab hau rau sawv daws txoj sia” Vaj Qhia hais “Huab Tais Yes Xus hais rau tsoom sid tias txoj hmoov zoo no ua rau tus nqhis yuav tsis tu siab, vim nws yuav ua haum Tswv Ntuj lub siab.”
Kawg no Vaj Qhia txhawb cov neeg ntsib tus kab mob Covid-19 siab thiab hais kom sawv daws nco txog cov neeg Xis Lias uas ntsib kev txom nyem nyob ntawm ciam teb Hes Las thiab Tws Kis los tau ntev xyoo.
Vam txog : Vaticannews.va/en
Tus txais : Muas Lauj, Zoo Tswv Zov Yaj

Add new comment

4 + 1 =

Please wait while the page is loading