COV TXAIS CIM NTXUAV YUAV TSUM KOOM TES PAB TSHAJ NTUJ LUS

Huab Tais Yes Xus txais CIm Ntxuav.

Nyob hauv hnub chiv tim 20 lub 10 hli tas los no, Vaj Qhia Fas Ntshis Kus hais tias : Hnub tshaj Ntuj Lus thoob qab ntuj yog zoo caij rau cov txais Cim Ntxuav sawv daws tau txheej xeeb txog kev vam kev sib koom tes tshaj Ntuj Ceeb Tsheej nyob hauv txoj kev mob siab no.

Vaj Qhia tau nthuav txog zaj nyeem ob hauv lub thaj Txi Ntuj : Yog tsab ntawv Paj Lug sau rau Tis Mos Tes tsab ob tias ‘Tis Mos Tes yuav tsum lis txoj hauj lwm tshaj Tswv Ntuj Lus.’

Vaj Qhia hais tias : Nyob hauv kev txawv txav niaj hnub no, mas Vaj Qhia Npes Nes Dis tim 15 cov lus tseem muaj feem xyuam thiab txhawb peb kom tawm tsam kev ntxias thiab kev xav tsis zoo. Tej no txhais tias kev hnov suab hu los tshaj Ntuj Lus rau lwm tus nyob hauv peb.

Vaj Qhia hais txuas ntxiv tias : Yam yuav tsum muaj nyob hauv lub neej tshaj Ntuj Lus yog kev thov Ntuj. kub siab thov Ntuj thiab rau siab thov Ntuj tas zog li Huab Tais Yes Xus tau qhia nyob hauv ntawv Moo Zoo hauv hnub no yog thov Ntuj tas mus li, thov Ntuj tsis tseg.

Nyob hauv lub caij ‘Hnub Tshaj Ntuj Lus Thoob Qab Ntuj’ no, mas yog ib lub zim txwv zoo rau peb tau nug tus kheej tias peb puas tau thov Ntuj rau cov lis Tswv Ntuj dej num? Kuv puas yuav thov Ntuj rau tus nyob deb kom tau txais Tswv Ntuj lus?

Vaj Qhia xaus lus ntuas thiab thov Ntuj tias : Mab Liab, sawv daws Leej Niam thov koj nrog ntaim thiab pab txuag cov tub tshaj Ntuj Lus txhua hnub mog.

Add new comment

1 + 2 =

Please wait while the page is loading