Tus tiam lis Suav nyob Xes Us, tawm tsam cov neeg siv roj hmab kho zoo nkauj nyob Kos Lim Naj

Tus tiam lis Suav pab neeg ceeb toom rau tsoom pej xeem Suav hais txog teeb meem kho tus kheej kom zoo nkauj. Txij li thaum tsis muaj kev zov ciam teb mus txog muaj neeg tuag, thiab tom qab muaj ib tug poj niam Suav tuag los ntawm kev phais pav ywj nyob Kos Lim Naj. Lub tuam tsev kho neeg kom zoo nkauj hu ua K- tseem yog ib qho chaw nqus cov neeg nyob thoob ntiaj teb uas nyiam ua zoo nkauj kom tuaj.

Tus tiam lis Suav nyob Kos Lim Naj thiaj qhia rau tsoom pej xeem txog kev piam sij ntawm kev kho tus kheej kom zoo nkauj, uas yog phais thiab ntsaws cov roj hmab mus rau hauv yus lub cev. Tus tiam lis Suav tau hais txog kev ua li ntawd yog ib qho pheej hmoo uas tsis paub tias tom qab ua tag yuav zoo li cas. Tsis tas li ntawd, cov neeg uas lawv kho ntsej muag lawm, tej zaum yuav tsis pub lawv hla ciam teb nkag teb chaws.

Ntau xyoo dhau los no, cov neeg txawv teb chaws coob leej tuaj mus rau Kos Lim Naj teb, kom tau phais kho kom lawv zoo nkauj. Muaj qee leej raug teeb meem loj kawg los ntawm kev phais kho thiab tuag. Kos Lim Naj yog lub teb chaws tim ib nyob hauv cov neeg nyiam kho tus kheej kom zoo nkauj coob tshaj plaws nyob hauv ntiaj teb no. Raws li Statista hais, cov neeg txawv teb chaws uas tuaj mus rau cov teb chaws nyob As Xias xyoo 2022, feem coob yog cov neeg Suav, neeg As Mes Lis Kas, neeg Thaib, neeg Nyab Laj thiab neeg Moos Nkos Lias.