Hnub tim 1-2 lub 7 hli no, nyob hauv lub xeev Minnesota cov tsev neeg Hmoob As Mes Lis Kas tau ua koob tsheej nco txog kev ywj pheej.
Xub pib nyob hauv lub caij so ntawm lub lis piam rau cov neeg tuaj tshiab coob coob nyob hauv cov xyoo 1970, ces tam sim no twb ua los tau 41 xyoos lawm.
Cov neeg tuaj saib tuaj koom, yog tuaj ntawm txhua lub xeev nyob thoob teb chaws As Mes Lis Kas tuaj. Lawv tuaj sib koom lom zem ua ke, muaj cov tsev muag txhiam laj txhiam xws thiab sib tw kev ua si, yam li ncaws pob, ncaws pob tawb, ntaus pob thiab tseem muaj ntau yam ntxiv.
Cov ntsiab lus tseem ceeb ntawm kev ua lub koob tsheej, kuj hais txog Michael Vang uas yog Hmoob thawj tug tub ncaws pob nto npe nyob As Mes Lis Kas teb. Nws yog tus tub ncaws pob nyob hauv lub xeev Minnesota, thiab tam sim no nws mus koom nrog pab tub ncaws pob Portland Timbers 2 uas nyob hauv lub nroog Portland xeev Oregon.
Cov Hmoob As Mes Lis Kas tus tswv cuab ntawm lub koob tsheej July4 thiab lub xyoo tshiab Hmoob Minnesota tshaj tias : lawv tau txais nyiaj pab ua lub koob tsheej July4 yog 1 plhom tawm US dos las los ntawm Omnibus Bill.
Txoj kev ua tiav li no tau muaj los ntev lawm, vim niaj xyoo muaj cov neeg pab nyiaj ntau txhiab leej tuaj hauv lub nroog Saint Paul, tuaj koom kev sib tw, tuaj muag khoom thiab tuaj lom zem.
Xov xwm tshaj ntxiv tias : Bruce Corrie ntawm lub tsev kawm ntawv txheej siab Concordia lawv siv IMPLAN Software soj ntsuam pom tias :
xyoo no muaj 40,000 tus neeg tuaj koom July4. Ua rau zej zog txoj kev lag luam tau nyiaj li ntawm 14 plhom dos las thiab tseem hwv tau 2 plhom nyiaj se.
Suav tau tias yog ib cov hauj lwm tiav log thiab ua tau zoo heev.
Nod yog tus tswv cuab tsa lub koob tsheej hais thiab nws hais ntxiv tias :
lwm xyoo uas yog xyoo 2024, kev tuaj sib koom ua lub koob tsheej July4 yuav tsis siv nyiaj lawm, yog ua dawb lawm xwb.
