Cov Tswv Qhia Kav Tos Liv nyob Fis Lis Pees sib koom thov kom tso tseg kev siv Fossil ntawm Zis Pees teb
Cov Txiv Plig Kav Tos Liv ntawm San Carlos uas nyob nruab nrab hauv Fis Lis Pees teb tau koom nrog pab neeg sib txhawb zog, thov kom tseem hwv Zis Pees tsis txhob cuam tshuam txog kev hloov hluav taws xob ntawm cov teb chaws huab cua pauv ntxeev.
Tswv Qhia Alminaza uas koom nrog kev sab laj WagGas ntxhov siab txog
teeb meem kub ntxhov uas tuaj raug” ntawm cov tuam tsev thiab cov txhab khaws fossil thiab LNG uas npaj tseg nyob Fis Lis Pees teb.
WagGas yog tsoom pej xeem ua tus tswv ntawm kev siv fossil. Kev txuag thiab cheem kom lub ntiaj teb qhov kub txhob siab dua 1.5c, tab tom yuav tag sai sai no. Txhob ua tsaug rau Zis Pees teb uas zam kev rau ntiaj teb siv fossil yam tsis tu ncua.
Fis Lis Pees teb tsoom pej xeem feem coob ua lub neej nyob nrog txoj kev ntshai, vim lawv ntshai tsam lawv tau nyob xyaw cov pa tshuaj uas muaj los tau ntau caum xyoo thiab tau txais kev kub ntxhov los ntawm huab cua phem. Vim cov Gas fossil thiab cov tuam tsev LNG uas lawv tau npaj tseg nyob thoob lub teb chaws.
Zis Pees teb yog tus nqes peev nyiaj txiag ntau tshaj rau cov fossil nyob thoob ntiaj teb. Thiab tseem yuav nthuav dav hais txog kev tsim LNG, uas yog txais nkag Fis Lis Pees teb ntau tshaj.
Hnub tim 19 lub 5 hlis no thiaj muaj ntau pab neeg thiab tsoom pej xeem sib sau khaj cai nyob ntawm tus tiam lis Zis Pees lub tsev nyob Mas Nis Las. Lawv taij thov kom Zis Pees teb tso tseg kev siv fossil. Lawv hais txog kev lees txais kev saib xyuas ntawm cov teb chaws G7, kom tso tseg kev nrhiav nyiaj txiag los tsim fossil thiab tso tseg txhob tsim tawm fossil lawm. Kom xav txog tsoom pej xeem Fis Lis Pees uas lawv yuav raug kev kub ntxhov loj heev rau yav tom ntej.
