Hnub Xya Ntshiab peb nco txog dab tsi ?
Hnub Xya Ntshiab yog lub npe teeb tseg ntawm Hnub Rau Ntshiab thiab Hnub Chiv Hla. Cov neeg ntseeg lees txais hnub ntawd ua Hnub Xya Ntshiab. Yog hnub tim 7 thiab yog hnub kawg hauv lub Lis Piam Ntshiab. Yog hnub Yes Xus so, vim nws ua cov hauj lwm them ib zeej tsoom neeg lub txim txhaum tiav lawm. Thaum Yes Xus tuag, nws qw ib suab nrov nrov tias : “Txhua yam tiav lawm”. Tsis tas yuav rov them txim txhaum ntxiv mus, vim neeg cov txhaum raug daws tas nyob hauv Yes Xus txoj kev tuag nyob saum Ntoo Cuam. Hnub Xya Ntshiab los yog hu ua Easter Vigil yog nco txog hnub kawg ntawm Yes Xus tuag thiab nws yeej txoj kev tuag.
Lub Koom Txoos thiaj hwm ua Hnub Xya Ntshiab. Nco txog txoj kev tsaus ntuj uas tsis muaj kev cia siab thiab nco txog Yes Xus txhiv neeg cov txhaum ntawm kev tuag thiab sawv rov los.
