ZAJ NYEEM HNUB TIM 13 LUB 3 HLIS 2024
HNUB PLAUB LUB LIS PIAM 3 CAIJ PLAUB CAUG
COV LUS NYOB HAUV ZAM NTAWV MOO ZOO (ZM 5: 17-30)
Kwv tij Hmoob sawv daws, Huab Tais Yes Xus hais tias “Tus twg mloog kuv lo lus thiab ntseeg txog tus xa kuv tuaj, nws tau txoj sia nyob mus li, nws tsis raug txiav txim, nws hla txoj kev tuag mus rau hauv txoj siab… kuv tsis nrhiav kom tau ua raws li kuv lub siab xav, kuv tsuas nrhiav kom tau ua raws li tus xa kuv tuaj lub siab xav.”
Huab Tais Yes Xus cov lus no yog kom peb sawv daws ua cov hauj lwm kom ntxim thiab xis Tswv Ntuj siab. Yog li cov hauj lwm twg thiaj yuav xis Tswv Ntuj siab?
Peb nrhiav lo lus teb tau nyob hauv Huab Tais Yes Xus cov lus thiab nyob hauv Huab Tais Yes Xus cov hauj lwm, yog nyiam Tswv Ntuj, nyiam cov neeg nyob ib puag ncig, ua zoo rau lawv, pab lawv.
Kwv tij, peb yim ua zoo rau lwm tus, peb yim pab lawv, ces yog peb rov tsim koob hmoov rau peb kom txog hnub kawg peb thiaj yuav tau txoj sia nyob mus li ua peb tug xwb.
Nyob zoo sawv daws.
