Teeb meem ntawm Gas nyob Npees Las Des, cov tswv lag luam txhib kom tseem hwv nqes tes daws
Hais txog World Economic Forum, kev tu ncua tsis muaj Gas yog thawj yam teeb meem kub ntxhov nyob hauv 5 yam ua kev kub ntxhov rau lag luam nyob hauv lub teb chaws. Kev tsis muaj Gas siv los ua noj, ua rau tsoom pej xeem txom nyem tuaj. Kev tsim Gas kuj raug teeb meem tib yam, yog tias tsis muaj kev daws kho sai sai.
Kev tsim Gas kuj pom tias nqis ntau kawg thiab. Cov kws soj ntsuam pom tias cov teeb meem kub ntxhov no, yog los ntawm kev tsim Gas nyob hauv lub teb chaws muaj tsawg thiab txais cov Gas txawv teb chaws tuaj ntau dua qub.
Txawm li cas kuj xij, teeb meem nyiaj dos las zim txwv no, kuj khuam kev heev zuj zus hais txog kev txais Gas txawv teb chaws. Ua kom muaj kev poob siab txhawj xeeb txog kev siv Gas hauv lub teb chaws.
Daws kho cov teeb meem no, cov neeg yuav pib siv taws ua zaub mov noj thiab vam txog cov khw muag zaub mov noj. Kev kub ntxhov hais txog Gas, tsis yog kub ntxhov hauv yim neeg xwb. Nws kuj kub ntxhov txog kev siv ntawm cov tuam tsev tsim toob xib thiab. Ua rau tej tuam tsev tsim toob xib raug kaw tseg ntev ntev thiab qhov kawg poob peev tuag mus.
Hais txog kev tsim Gus, Mahbbul Alam uas yog tus thawj tswj kev lag luam thiab cov tuam tsev tsim toob xib nyob Npees Las Des (FBCCI), nws ntxov siab txog cov teeb meem yuav tshwm sim. Alam hais tias kev kub ntxhov tab tom huam loj zuj zus los ntawm ntiaj teb kev siv tib yam nkaus. Kev tu ncua kuj yog los ntawm pab neeg Houthis hauv hiav txwv liab, lawv nce tus nqi Gas siab heev. Thiab tus nqi roj nyoos uas txais tuaj siab heev, vim kev sib ntaus rog los ntawm Lav Xias thiab Us Khas Zis Nas.
