As Mes Lis Kas teb, Suav teb thiab Nyab Laj teb tab tom nrhiav Technology higt-tech pab kev loj hlob
Lub caij Biden mus tsham Nyab Laj teb, Nyab Laj teb tau tshaj tawm hais txog kev sib koom tes nrog As Mes Lis Kas teb los yuav luag muaj 50 xyoo tom qab tsov rog Nyab Laj. Txij xyoo 2017 los, cov Koom Haum Technology loj loj ntau lub tawm ntawm Suav teb mus rau Nyab Laj teb hauv As Xias toob fab naj, uas yog nqes peev fab semiconductors tsheb siv hluav taws xob uas tam sim no tab tom vam meej heev nyob hauv lub teb chaws. Txawm li cas kuj xij, yog ib qho kev txhaum uas hais tau tias Nyab Laj teb tab tom txav mus deb ntawm kev tseev tsim Suav.
Nyab Laj tshaj tawm txoj kev koom tes nrog As Mes Lis Kas, yog lub caij tus Txoov Tim Tswv Biden mus tsham Hanoi. Ob tog muaj lub hom phiaj yog tsim kev thaj yeeb thiab sib koom tes txhim kho rau yav tom ntej. Kev sib cog lus yog txhib hais txog kev sib cog phooj ywg uas tab tom txhim kho ntawm As Mes Lis Kas teb thiab Nyab Laj teb uas muaj los ze 50 xyoo, tom qab tsov rog Nyab Laj xaus. Ua rau ntau xyoo dhau los no Nyab Laj teb vam meej thiab rais ua qhov chaw nruab nrab ntawm Technology, ces Suav yog tus poob nyiaj txiag hais txog semiconductors tsheb hluav taws xob thiab kev tsim tawm txhua yam. Txij xyoo 2017 los, Suav thiab As Mes Lis Kas rov muab saw hlau los sib khi, ces kev vam meej rov cov nyom hauv lub caij kab mob sib kis los ntawm tseem hwv Suav txoj cai kav tus kab mob nruj nruj. Ces As Mes Lis Kas teb thiaj rais ua lub teb chaws lag luam loj tim 2 nyob As Xias toob fab naj los ntawm Suav teb. Biden thiab cov sawv cev ntawm cov Koom Haum loj nyob As Mes Lis Kas teb thiaj tau nkag mus koom Vietnam-US Innovation nrog cov los pav Nyab Laj.
Muaj qhov chaw nruab nrab ntawm kev tsim thiab qhib cov tuam tsev kom dav, muaj chaw ua hauj lwm yooj yim, muaj chaw rau microchip sib dhos, muaj chaw ntim toob xib thiab chaw sim microchip. Muaj kev cog lus hais txog dav hlau ya thiab tsim tawm. Txhua lub Koom Haum xws li ; Microsoft, Nvidia, Marvell thiab Amkor cog lus tias lawv yuav nqes peev ntau kom tsis txhob vam txog Suav lawm.
