Kev sab laj ntawm Kim thiab Putin, yuav ua kev ntxhov siab rau lub ntiaj teb
Kos Lim Pej tus Txoov Tim Tswv Kim Jong-Un caij tsheb nqaj hlau rov mus tsev nyob Pis Yoos Yaas (Pyongyang). Lub tsheb nqaj hlau uas nws caij, muaj kev tiv thaiv muas txwv zoo heev. Yog tom qab Kim Jong-Un mus tsham Lav Xias toob fab 6 hnub sib law. Ces coob leej thawj coj xav tias kev sib ntsib sib tham ntawm Putin thiab Kim Jong-Un nkawd nyob ntawm lub tshav nkoj Vostochny Cosmodrome, mas nkawd tau sib tham txog kev cog lus ntawm riam phom. Putin hais txog kev sib koom tes ntawm ob tog cov tub rog, thiab Kim Jong-Un kuj hais tias Kos Lim Pej zoo siab txhawb nqa Putin txoj kev txiav txim siab.
Kev sib raug zoo ntawm 2 tug tsov tsiv tsaim nyob ntiaj teb, ua kom pib ntsia pom txog txoj kev phem tshiab. Kos Lim Naj tus Txoov Tim Tswv Yoon Suk Yeol hais tias :
“Kev sib koom tub rog ntawm Lav Xias thiab Kos Lim Pej yog qhov txhaum kev cai thiab tsis ncaj ncees. Tsis tas li ntawd, tseem hla kev sib cog lus ntawm lub Leej Haum Kuj thiab txiav kev pab lwm cov teb chaws”.
Kuj tsis yog tias txoj cai no yuav ua kev khuam siab rau Putin thiab Kim, vim kev kav teb chaws ntawm Kim Jong-Un tau tsim txoj cai tshiab. Yog txoj cai kev xav thiab kev coj noj coj ua, uas muab los siv nyob hauv lub 12 hlis xyoo 2020. Txoj cai no sawv daws paub nyob hauv lub npe hu tias : “Txoj cai ntawm kev tawm tsam kev xav”.
Yuav kav thiab tiv thaiv xov xwm hauv lub teb chaws txhob pub tawm mus rau lwm cov teb chaws. Txwv tsis pub luam xov xwm hauv lub teb chaws tawm thiab tsis pub luam Ntawv Ntshiab. Leej twg kuj xij, yog nws muag tej ntaub ntawv los yog xov xwm uas tsis tau txais lus tso cai los ntawm tseem hwv, mas nws yuav raug ntes thiab rau txim rau ib zeej tsoom ntsia.
