Kev ntxhov siab nyuab siab thiab kev chim siab tom qab raug tej yam xwm txheej, muaj heev zuj zus nyob hauv cov neeg thoj nam uas lawv ntsib kev txom nyem.
Tib neeg yog hom muaj sia thiab hnov ntxhiab, muaj kev xav ntau heev. Tab sis yog nws txoj kev xav poob nyob hauv txoj kev ntxhov siab, hauv kev sib ntaus rog, kev quab yuam caij tsuj thiab kev tsiv teb tsaws chaw, mas yuav kaj siab thiab txais tsis tau. Nod yog lo lus nug ntawm cov neeg thoj nam tawg rog uas lawv tab tom ntsib nyob hauv zim txwv no. Cov neeg thoj nam tawg rog lawv xav tau kev txuag pov hwm thiab kev txhawb nqa los ntawm peb. Lawv ntsib teeb meem ua rau lawv chim siab npau taws, nyuaj siab tsiv siab tsiv ntsws txhua yam. Ua kev nyuab siab rau lawv txoj kev noj qab nyob zoo. Lawv ntxhov siab thiab txhawj xeeb txog qhov lawv raug ntes, raug kaw thiab raug tua. Lwm txoj kev chim siab, yog qhov cov nom tswv saib lawv tsis zoo thiab saib lawv qis qis. Tas txhua yam kev nyuab siab thiab kev xav no raug rau cov neeg thoj nam tawg rog, vim lawv ntsib kev txom nyem.
Cov neeg thoj nam feem coob tsis tau txais kev kho lawv tej siab ntsws, ces zoo li tsis muaj txoj hau kev daws tej teeb meem uas lawv ntsib. Lawv tsis tau txais kev saib xyuas thiab kho ua ntu zus yam tsis tu ncua, vim lawv lub neej kheev kheev raug tshais chaw tas mus li.
