Jessie Creado uas nws muaj 8 xyoo, nws uv tsis taus kev zoo siab uas nws tau pom nws lub tsev kawm ntawv tshiab. Nws lub tsev kawm ntawv qub uas nyob hauv nws lub zos San Miguelay, nyob deb nroog hauv lub xeev Leyte. Yav tag los twb tau raug dej nyab los ntawm ntuj los nag loj.
Lub tsev kawm ntawv tshiab no, tsim los ntawm lub pwm tsav fab kev kawm txuj hauv lub teb chaws. Kom tau txhawb nqa kev kawm txuj thiab pab kom cov tsev kawm ntawv nyob deb kev vam meej zoo tuaj. Kev txhim kho cov tsev kawm ntawv, ib feem yog los ntawm cov hauj lwm Last Mile School uas muaj lub hom phiaj yuav hloov cov tsev kawm ntawv dog dig ua cov tsev kawm ntawv ruaj khov thiab kav ntev.
Tsis tas li ntawd, kuj yuav teeb cov phiaj ziab tshav ntuj rau tej chaw uas hluav taws xob mus tsis txog, kom lawv pom kev hmo ntuj.
Lub tsev kawm ntawv nyob hauv San Miguelay nyob nrug deb ntawm lub nroog Sta Fe li 7 km. Muaj cov me nyuam kawm ntawv huv si 74 leeg. Txij chav me nyuam yaus mus txog qib 6, lawv yog taws teeb roj a xwb.
Lub Koom Haum tsis nrhiav kev nplua nuj Philippine Business for Education hais tias “Kev kawm txuj poob nyob hauv txoj kev phem, thiab rais ua teeb meem hauv fab tib neeg kev ncaj ncees” hauv lub teb chaws. Nyob hauv 81 lub teb chaws uas sib koom soj ntsuam txog kev kawm ntawm txhua lub teb chaws PISA, mas Fis Lis Pees teb yog lub teb chaws 75 hauv fab ua xam phaj thiab kev nyeem ntawv, thiab yog lub tim 79 hauv fab kev tshawb fawb xyoo 2022.
